Անհասկանալի է լեզվով, բայց ոչ` խոսքով

Շեքսպիրյան միջազգային թատերական փառատոնի շրջանակներում Իրանի Անդիշեհ թատերախումբը հայ հանդիսատեսին ներկայացրեց «Ռոմեո և Ջուլիետ» ներկայացումը:

«Համլետ», «Լեդի Մակբեթ», «Օթելլո», «Ռոմեո և Ջուլիետ». այս ներկայացումներում դերասանները երկուսն են`աղջիկ և տղա»,- yerkir.am-ին ասաց բեմադրիչ Հուսեյն Ֆարուխին` հավելելով, որ հիմնական նպատակն է ստեղծել մթնոլորտ, որը կպատմի նրանց միջև ծագող սիրո մասին:

Ինչպես տեղեկացրեց բեմադրիչը, «Ռոմեո և Ջուլետ» ներկայացման պրեմերիան տեղի է ունեցել 2002 թ.:

ԵՊՀ օտար լեզուներ ֆալուկտետի ուսանող Համլետ Սաֆարյանն ասաց, որ նմանատիպ թատերական միջոցառումների շնորհիվ իրենք հմտանում են պարսկերեն լեզվի մեջ:

Մեկ այլ հանդիսատես` Լուսինե Սիմոնյանը, ով չգիտի պարսկերեն, նշեց, որ իր համար լեզուն կարևոր չէ, կարևորը բեմից փոխանցվող տրամադրությունն է, մթնոլորտը. «Ուղղակի մոռանում ես, որ լեզուն անհասկանալի է, և միանգամից մտնում ես նրանց հոգեվիճակի մեջ»: