Սաստիկ բքի պատճառով Գյումրի-Բավրա ավտոճանապարհը փակ է բոլոր տեսակի տրանսպորտային միջոցների համար

Փետրվարի 27-ին՝ ժամը 9:00-ի դրությամբ Վարդենյաց լեռնանցքը կցորդով տրանսպորտային միջոցների համար փակ է, իսկ մյուս տրանսպորտային միջոցների համար՝ դժվարանցանելի։ Ճանապարհային դեպարտամենտի հաղորդմամբ, Սիսիանի «Զանգեր» կոչվող հատվածից մինչև Գորայք ավտոճանապարհը, Վանաձոր-Դիլիջան ճանապարհահատվածը, Սպիտակի ոլորանները կցորդով տրանսպորտային միջոցների համար փակ են։

Սաստիկ բքի պատճառով Գյումրի-Բավրա ավտոճանապարհը փակ է բոլոր տեսակի տրանսպորտային միջոցների համար։

Արթիկ-Ալագյազ ավտոճանապարհը ձնաբքի և ցածր տեսանելիության պատճառով դժվարանցանելի է։ 

Ապարանի, Արագածի, Սպիտակի, Վանաձորի, Ստեփանավանի, Թալինի, Անիի, Արթիկի, Ախուրյանի, Աշոցքի, Արարատի, Վայքի, Սիսիանի, Գորիսի, Կապանի, Մեղրիի, Դիլիջանի, Սևանի, Տավուշի տարածաշրջաններում և Վարդենյաց լեռնանցքում ձյուն է տեղում։

Վայքի, Աշոցքի տարածաշրջանների ավտոճանապարհներին և Վարդենյաց լեռնանցքում խիտ մառախուղ է, տեսանելիությունը՝ 10-15 մետր։

Տավուշի տարածաշրջանի ավտոճանապարհներին և Մեղրիի լեռնանցքում մառախուղ է, տեսանելիությունը՝ 80-100 մետր։

Ջերմուկի խաչմերուկից մինչև Կապան ավտոճանապարհները փակ են կցորդով տրանսպորտային միջոցների համար