Կանադայի Հայ Դատի հանձնախումբը հանդիպել է երկրի արտգործնախարարի հետ

Հոկտեմբեր 21-ին Կանադայի Հայ Դատի հանձնախմբի ներկայացուցիչ Րաֆֆի Տոնապետյանը եւ Հայ Դատի հանձնախմբի Օտտավայի գրասենյակի տնօրեն Ռուբեն Գույումճյանը հատուկ հանդիպում են ունեցել Կանադայի արտգործնախարար Ջոն Բերդի հետ:

Հայ Դատի պատվիրակությունը առաջին հերթին շնորհավորել է իշխող կուսակցության՝ պահպանողականների հաղթանակը վերջին ընտրություններում  եւ շնորհակալություն հայտնել Հայող ցեղասպանության ճանաչման հարցում կանադական կառավարության սկզբունքային դիրքորոշման համար: Նախարարին ներկայացվել են նաեւ Հայոց ցեղասպանության եւ Լեռնային Ղարաբաղի հիմնահարցի վերաբերյալ  Հայ Դատի հանձնախմբի պատրաստած թղթածրարները:

Հայաստան-Կանադա քաղաքական-տնտեսական հարաբերությունների զարգացմանն անդրադառնալով` Րաֆֆի Տոնապետյանը շեշտել է Հայաստանում Կանադայի դեսպանատուն բացելու անհրաժեշտությունը: Այդ կապակցությամբ նախարարը դրական կարծիք է հայտնել` նշելով, որ նման նախաձեռնությունն ավելի կամրապնդի երկու երկրների միջեւ դիվանագիտական հարաբերությունները:

Րաֆֆի Տոնապետյանը նախարարին ներկայացրեց Կանադա-Հայաստան խորհրդարանական բարեկամության խմբի աշխատանքները: