Ծառայելու համար երկու տարին շատ չէ

Բանակում ծառայելու համար երկու տարին շատ է. այս մասին հայտարարեց հասարակական գործիչ Աշոտ Բլեյանը լրագրողների հետ հանդիպման ժամանակ: Նրա կարծիքով` այն, ինչ երիտասարդը սովորում է երկու տարում, կարող է սովորել նաեւ մեկ տարում:

Կարեւորը ժամանակի արդյունավետ օգտագործումն է. «Մարդուն երկու տարի կտրում են իրականությունից, հետո հետ բերում ու ասում` ապրիր ոնց կարող ես»:

Սրա վերաբերյալ մեզ հետ զրույցում ռազմական փորձագետ Դավիթ Ջամալյանը հետեւյալ տեսակետը հայտնեց. «Նման բան ասողն ինքն է իրականությունից կտրված կամ իրականությունը յուրովի է ընկալում»: Փորձագետն ընդգծեց, որ երկու տարին հաշվարկված նվազագույն ժամկետն է պետության արդյունավետ պաշտապանության համար: Եվ այն մարդը, ով երկու տարին շատ է համարում, ապա, նրա պատկերացմամբ, խնդիրներն ունեն մեկ լուծում` հողերը հանձնել թշնամուն եւ վերջ. «Երբ ամեն ինչ տաս, բանակի կարիք էլ չի լինի: Սա պարտվողական մտածելակերպ է»: