Ընտրություններից հետո փոշիացվելու է ամեն ինչ. Արման Բաբաջանյան

Մամուլն ունի խոսքի ազատություն, սակայն չունի սպառման պահանջարկ. լրագրողների հետ հանդիպման ժամանակ հայտարարեց «Ժամանակ» օրաթերթի գլխավոր խմբագիր Արման Բաբաջանյանը:

Անդրադառնալով քաղաքականությանը` նա ասաց, որ լրջորեն պետք է վերաբերվել այն քաղաքական ուժերին, որոնք տաքացրին քաղաքական դաշտը, խորհրդարանում տեղեր զբաղեցրին, բայց իրենց «պարազիտի» պես պահեցին, այն իմաստով, որ ընտրազանգված հավաքեցին, խոստումներ, հույսեր տվեցին, իսկ հետո լռեցին:

Ըստ նրա` շարունակելու են ակտիվ դերակատար մնալ «գերեզմաններում հայտնված» քաղաքական ուժերը, դրանք առաջիկայում փորձելու են ռեաբիլիտացվել, կտեսնենք նաեւ երկրորդ նախագահի ակտիվությունը քաղաքական  դաշտում:

Անդրադառնալով իշխանություններին՝ գլխավոր խմբագիրը նշեց, որ այս ընտրություններից հետո էլ փոշիացվելու է ամեն ինչ, քանի որ այս իշխանությունները ոչ մի առողջ բան չեն կարող տալ այս հասարակությանը, ցանկացած առողջ ծիլ հենց օրորոցում խեղդվելու է: