France Telecom. նոր կապուղի Հայաստանին

France Telecom Orange խմբի նախագահ եւ գլխավոր տնօրեն Ստեֆան Ռիշարն այսօր Երեւանում հայտարարել է, որ France Telecom-ը չի բացառում, որ Հայաստանն արտաքին աշխարհին կապող միջազգային ելքի օպտիկամանրաթելային կապուղի կանցկացվի:

Հայտարարությունը Ռիշարն արել է Orange Armenia-ի գլխավոր սրահում Ֆրանս-հայկական գործարար ակումբի անդամների եւ Ֆրանսիայի արդյունաբերության, էներգետիկայի եւ թվային տնտեսության նախարար Էրիկ Բեսոնի, արտաքին առեւտրի գծով պետական քարտուղար Պիեռ Լելուշի հետ նախաճաշ-հանդիպման ժամանակ։

Հիշեցնենք, որ ֆրանսիացի պաշտոնյաները Հայաստան են եկել պետական այցով մեր երկիր ժամանած նախագահ Նիկոլա Սարկոզիի պատվիրակության կազմում։

Մինչ օրս Հայաստանը տվյալների փոխանցման միջազգային օպտիկամանրաթելային մայրուղիներին միացված է «ԱրմենՏել»-ի, GNC-Alfa-ի եւ Fibernet-ի կապուղիներով։