2012-ին Սիրիան էլ է հրավիրվել Հայաստան

ՀՀ մշակույթի նախարար Հասմիկ Պողոսյանն ընդունել է Սիրիայի Արաբական Հանրապետության գործերի ժամանակավոր հավատարմատար Մամուն Հարիրիին:

Նախարարն առաջարկել է գործնական քայլեր ձեռնարկել 2011-2013 թթ. համաձայնության մասին ծրագրի ստորագրման ուղղությամբ, ինչն էլ հնարավորություն կընձեռի հետագա տարիների համար նախանշել փոխգործակցության ձևաչափ (երաժշտարվեստի, գեղանկարչության, թատերարվեստի, կինոարվեստի, գրական-թարգմանական նախագծերի շուրջ):

2012 թ. Երևանը գրքի համաշխարհային մայրաքաղաք հռչակվելու առիթով էլ մշակույթի նախարարը պատրաստակամություն է հայտնել 2012 թ. ընթացքում հյուրընկալել սիրիացի գրողներին, իրականացնել արաբերենից հայերեն և հակառակ թարգմանություններ, ինչպես նաև հանդես գալ համատեղ հրատարակչական ձեռնարկներով:

Հարիրին հրավիրվել է ներկա գտնվել 2012թ. կայանալիք միջոցառումների բացմանը: