Հայ-թուրքական արձանագրությունների ձևական վերադարձը

«1993 թվականից այս կողմ ԼՂ հիմնախնդիրը նախապայման է եղել Թուրքիայի համար, եւ երբ մի քանի տարի առաջ արձանագրություններ ստորագրվեցին, այս նախապայմանը նորից վավերական էր:

Թուրքիայում խորհրդարանական ռեժիմը հետեւյալ կերպ է գործում. երբ հուլիսի 12-ին նոր խորհրդարան ձեւավորվեց, նախկին խորհրդարանում քննարկման չդրված նախագծերը ինքնաբերաբար խորհրդարանի կամ էլ արտաքին հարաբերությունների հանձնաժողովի օրակարգից դուրս մնացին:

Մինչ նոր խորհրդարանի հերթական նստաշրջանը բացումը՝ հոկտեմբերի 1-կին, նախարարների խորհուրդն այդ ծրագրերն ու նախագծերը նորից օրակարգ է բերում: Այսպիսով` շատ նախագծեր տարիներ շարունակ կարող են սպասման փուլ անցնել ու չքննարկվելով՝ նորից դուրս մնալ, եւ այսպես՝ երկար տարիներ: Այսպիսին է նաեւ արձանագրությունների գործընթացը:

Եվ այս պահի դրությամբ ոչ մի արտառոց կամ էլ Թուրքիայի օրակարգի համար մեծ ազդեցություն ունեցող գործընթաց չկա: Թուրքիան շարունակում է ԼՂ հիմնախնդրի լուծում ստանալու եւ Ցեղասպանության ընդունումից հրաժարվելու իր դիրքորոշումը»,- մեկնաբանեց լրագրողը: