Նամակ Թուրքիայի վարչապետին` Դինքի ընկերներից

Երեկ` Հրանտ Դինքի ծննդյան օրվա նախօրյակին, նրա ընկերները նամակ են հղել Էրդողանին, որում արդարադատություն են պահանջում:

«Հինգ տարի շարունակ արդարադատության մեր որոնումները կորցրել են իրենց արժեքը,- գրված է նամակում:- Թեև հանգուցյալի տանը երդվեցինք, որ արդարադատություն կլինի, սակայն Հրանտ Դինքին մատնացույց արած Ձեր տեղակալին դարձրիք «մեջլիսի նախագահ», իր գրասենյակում` «կայրենք դրա հոգին» պաշտոնապես ասած Ձեր նահանգապետին դարձրիք տեղակալ, Դինքի կյանքը չպաշտպանած անվտանգության Ձեր տեսուչին դարձրիք նահանգապետ, իսկ 17 տարեկան Օ. Ս.-ին` մեծն Օգյուն Սամասթ: Արյունը հանդարտվում է արդարադատության միջոցով: Մենք բողոքում ենք»:

Դինքի ընկերները պահանջում են բացահայտել բոլոր մարդասպաններին` ակնհայտ և ոչ ակնհայտ. «Եղիցի’ արդարադատություն, թո’ղ հաղթանակի արդարությունը»: