Lacoste-ն արգելում է Բրեյվիկին կրել իր հագուստը

Համաշխարհային ճանաչում ունեցող Lacoste հագուստի ընկերության փաստաբանը դիմել է Նորվեգիայի ոստիկանություն` խնդրելով արգելել ահաբեկիչ Անդերս Բերինգ Բրեյվիկին կրել իրենց բրենդային հագուստը:

Ինչպես տեղեկացնում է mignews.com-ը, բազմաթիվ լուսանկարների վրա Բրեյվիկը հարցաքննությունների, հետաքննական փորձերի ժամանակ Lacoste-ի վերնաշապիկներով է, ընդ որում` փոքրիկ կանաչ կոկորդիլոսը` ֆիրմայի պաշտոնական խորհրդանիշը, պարզ երեւում է:

«Դա ամենավատ հակագովազդն է, որ կարելի է հորինել»,- ասում են ընկերությունում, որն այս տարի նշելու է իր 75-ամյակը:

Բրեյվիկը, որին բանտում արգելել են ռազմական համազգեստ կրել, ընտրել է Lacoste-ի հագուստները, քանի որ, նրա տեսակետից, դրանք լրացնում են իր` «լուսավորյալ պահպանողական եվրոպացու» կերպարը: