Ոստիկանները ձերբակալել են օդեսացի ''Բրեյվիկին''

Օդեսայի ոստիկանության աշխատակիցները ձերբակալել են 23-ամյա Ալեքսանդր Կուրեննոյին, ով հայտարարել էր, որ պատրաստվում է ահաբեկչություն իրականացնել օտարերկրյա ուսանողների հանրակացարանում. տեղեկացնում է rosbalt-ը:

«Նրա հետ զրուցում են, որի արդյունքում պարզ կդառնա, թե ինչ անել հետագայում այդ քաղաքացու հետ»,- ասել է ոստիկանության ներկայացուցիչը:

«Ամեն տարի ես ավելի քիչ եմ ճանաչում իմ քաղաքը: Մեր փողոցները հեղեղել են միգրանտներն ու օտարերկրացիները: Ես սարսափով եմ պատկերացնում, թե ինչպես ապագայում մենք` ուկրաինացիներս, փոքրամասնություն կդառնանք հարազատ քաղաքում, մեր երկրում»,- Live journal-ի իր էջում հունվարի 12-ին գրել էր Կուրեննոյը` դրանում մեղադրելով «իլյումինատներին եւ այլ մասոնների»: