Փոխարժեքներ 01 10 2024
USD	⚊	$ 387.29
EUR	⚊	€ 433.34
RUB	⚊	₽ 4.17
GBP	⚊	£ 519.2
GEL	⚊	₾ 141.99

Փոխարժեքներ 01 10 2024

USD

⚊

$ 387.29

EUR

⚊

€ 433.34

RUB

⚊

₽ 4.17

GBP

⚊

£ 519.2

GEL

⚊

₾ 141.99

0 դիտում,

13 տարի առաջ - 2011-09-02 15:26

Սպորտ

US open. տղամարդկանց պայքար

US Open-2011 մրցաշարի տղամարդկանց պայքարում աշխարհի երրորդ ուժեղագույն թենիսիստ, 30-ամյա շվեյցարացի Ռոջեր Ֆեդերերը վստահ է առաջ շարժվում: Ֆեդերերը 6/3, 6/2, 6/2 հաշվով պայքարից դուրս է թողել իսրայելցի Դուդի Սելային։ Հանդիպումը տևել է 1 ժամ 17 րոպե։

Երրորդ փուլում Ֆեդերերը կհանդիպի Խորվաթիայի ներկայացուցիչ Մարին Չիլիչի հետ, ով ավելի վաղ 6/1, 6/0, 6/0 հաշվով առավելության է հասել ավստրալացի Բերնարդ Տոմիչի նկատմամբ։

Աշխարհի ներկայիս ուժեղագույն թենիսիստ սերբ Նովակ Ջոկովիչն իր փայլուն մենախաղերով ապշեցնում է: 6/0, 6/0, 6/2 հաշվով նա առավելության է հասել արգենտինացի թենիսիստ Կարլոս Բերլոկի նկատմամբ։ Հանդիպումը տևել է 1 ժամ 30 րոպե:

Այսպիսով, հաջորդ փուլ դուրս գալու համար Ջոկովիչը կխաղա ռուսաստանցի Նիկոլայ Դավիդենկոյի հետ, ով իր հերթին 6/2, 6/4, 7/5 հաշվով առավելության է հասել Իտալիայի ներկայացուցիչ Պոտիտո Ստարչեի նկատմամբ։

25-ամյա ֆրանսիացի Ժո-Վիլֆրիդ Ցոնգան, ով առավելապես աչքի ընկավ «Ուիմբլդոնում» 6/3, 7/5, 6/2 հաշվով հաղթեց Ուկրաինայի ներկայացուցիչ Սերգեյ Բուբենկոյին։ Հանդիպումը տևել է 1 ժամ 44 րոպե։

Հաջորդ փուլ դուրս գալու համար Ցոնգան ուժերը կչափի իսպանացի Ֆերնանդո Վերդասկոյի հետ, ով 6/4, 6/3, 6/1 հաշվով առավելության է հասել Թուրքիայի ներկայացուցիչ Մարսել Իլհամի նկատմամբ։

Լուսանկարները տե'ս Haysport.am-ում: