US open. տղամարդկանց պայքար

ԱՄՆ-Նյու Յորք քաղաքում  մեկնարկել է «Մեծ սաղավարտի» կարևորագույն մրցաշարերից մեկը` US Open-2011-ը։

Տղամարդկանց պայքարում աշխարհի երրորդ ուժեղագույն թենիսիստ, 30-ամյա շվեյցարացի Ռոջեր Ֆեդերերը մեկնարկային փուլում մրցապայքարից դուրս է թողել 23-ամյա կոլումբացի  Սանտյագո Հիրալդոյին` 6/4, 6/3, 6/2 հաշվով: Հանդիպումը տևել է 1 ժամ 46 րոպե։

Այս մրցաշարի հնգակի հաղթող  Ֆեդերերը հաջորդ փուլում կհանդիպի Իսրայելի ներկայացուցիչ, 26-ամյա Դուդի Սելայի հետ, որը 4/6, 2/6, 6/4, 6/3, 6/0 հաշվով  հաղթել է բրազիլացի Տոմազ Բելուչիին։

Ամերիկացի Մարդի Ֆիշը երեք սեթերի արդյունքում`  6/2, 6/2, 6/1 հաշվով առավելության է հասել գերմանացի Տոբիաս Կամկեի նկատմամբ։ Հանդիպումը տևել է 1 ժամ 43 րոպե։

Հաջորդ փուլում Ֆիշը ուժերը կչափի Մալեկ Ջազիրի (Թունիս)-Տիեմո Դե Բակկեր (Նիդեռլանդներ) զույգի հաղթողի հետ։

Լուսանկարները տե'ս Haysport.am-ում: