Օբաման կողմ է հարուստների հարկերը բարձրացնելուն

ԱՄՆ նախագահ Բարաք Օբաման կողմ է ամերիկացի միլիարդատեր, Berkshire Hathaway հիմնադրամի ղեկավար Ուորեն Բաֆեթի այն առաջարկին, որ պետք է բարձրացնել հարուստների հարկերը:

Դրա միջոցով հնարավոր կլինի կրճատել բյուջետային դեֆիցիտը եւ պետական պարտքի մակարդակը: Սակայն Ուորենի այս առաջարկը խստորեն քննադատվել է հանրապետականների կողմից:

Ինչպես գրում է Reuters-ը, Մինեսոտա նահանգի Քենոնֆոլս քաղաքում քաղաքացիների հետ հանդիպման ժամանակ ԱՄՆ նախագահը խոստացել է, որ սեպտեմբերին հրապարկվելու է տնտեսության վիճակի բարելավման նախագահական ծրագիրը, որն ուղղված է նոր աշխատատեղեր ստեղծելուն եւ տնտեսական դեֆիցիտի հարցերը խիստ վերահսկողության տակ առնելուն: