Աշխարհի հարուստների ցուցակում 5 հայ կա

Ամերիկյան Forbes ամսագիրը հրապարակել է աշխարհի հարուստ մարդկանց ցուցակը, որում 5 հայ է ընդգրկվել:

Ցուցակի 353-րդ հորիզոնականում «Տաշիր» ընկերությունների խմբի սեփականատեր, ռուսաստանաբնակ Սամվել Կարապետյանն է, որի կարողությունը գնահատվում է 3,8 մլրդ դոլար, ինչը 2,4 անգամ գերազանցում է 2012-ի ցուցանիշը: Նա առաջ է անցել ամերիկահայ գործարար Քըրք Քըրքորյանից, ով երկար տարիներ համարվում էր ամենահարուստ հայազգի գործարարը:

95-ամյա Քըրքորյանն այս անգամ ցուցակի 412-րդ տեղում է` 3,3 մլրդ դոլարով:

613-րդ տեղը զբաղեցրել է ռուսաստանցի գործարար, ծագումով հայ Դանիիլ Խաչատուրովը: 41-ամյա գործարարի կարողությունը գնահատվում է 2,4 մլրդ դոլար, նա «Ռոսգոսստրախ» ընկերության բաժնետեր է:

1088-րդ տեղում Նիկոլայ եւ Սերգեյ Սարկիսով եղբայրներն են` 1,35 մլրդ դոլարով: Երկուսն էլ «Ռեսո Գարանտիա» ընկերության բաժնետերեր են: