Ադրբեջանը պատրաստ չի պատերազմը վերսկսելուն

Արցախի խնդիրը լուծում չի ստանա այնքան ժամանակ, մինչեւ Ադրբեջանը չազատվի մաքսիմալիստական գաղափարներից. այս մասին այսօր լրագրողների հետ հանդիպման ընթացքում հայտարարեց ռազմական փորձագետ Դավիթ Ջամալյանը: Վերջինիս համոզմամբ` ակնհայտ երեւում է, որ Ադրբեջանը պատրաստ չի  պատերազմը վերսկսելուն. «Ադրբեջանին  պատերազմից հետ է պահում ոչ միայն միջազգային-աշխարհաքաղաքական զարգացումը, այլեւ առաջին հերթին մեր բանակի պաշտպանության մարտավարությունը:Այսօր  ամենաիրատեսական ձեռքբերումն այն է, որ ապրիլ,մայիս ամիսների  համեմատ առաջին գծում դրական մեծ փոփոխություններ են եղել. իրավիճակը բավականինին մեղմվել է :Սակայն պատերազմի  պոտենցյալ վտանգը բացառել երբեւէ չենք կարող.վերսկսելու քաղաքական որոշումը կկայացվի նեղ շրջանակում»,- ասաց նա:

Ըստ փորձագետի` Ադրբեջանը ձեւական սպառնալիքներով  ակնկալում է, որ Հայաստանը կգնա զիջումային քաղաքականության .«Մենք թե' պատմական, թե' բարոյական առումներով զիջելու որեւէ բան չունենք»,-ասում է  փորձագետը:

Այն հարցին, թե Հայաստանը բազմիցս նշել է, որ ընդունում է մադրիդյան սկզբունքները, բայց արդյո՞ք  պատրաստ է տարածքներ զիջել Դ.Ջամալյանը պատասխանեց. «Դիվանագիտությունը իրականությունը թացնելու արվեստ է, մենք պետք է փաստերին նայենք. փաստ է, որ  մենք չունենք ստորագրված նման փաստաթուղթ եւ չեմ կարծում, որ  տեսանելի հեռանկարում կստորագրվի,քանի որ   նման փաստաթուղթ ստորագրելը իրենից լուրջ վտանգ է ներկայացնում:Իսկ զիջումների մասին խոսելիս մենք պետք է տեսնենք, թե ինչ է  պատրաստ զիջել Ադրբեջանը: Տեսանելի հեռանկարում ես չեմ տեսնում որեւէ նախադրյալ, որ ադրբեջանական իշխանություները գնան զիջումների»:

Ջամալյանը հիշեցրեց, որ Ադրբեջանում զիջումների պատրաստ չէ ինչպես ալիեւյան իշխանությունը, այնպես էլ ընդդիմությունը: