ՀԱԿ հանրահավաքը ավարտվեց/լուսանկարներ

«Ազատության» հրապարակում մեկնարկեց ՀԱԿ հանրահավաքը: Բացման խոսքում «Հայկական Ժամանակ» օրաթերթի գլխավոր խմբագիր, ՀԱԿ անդամ Նիկոլ Փաշինյանը ողջունեց «ամենաշոգ» հանրահավաքի մասնակիցներին եւ շնորհավորեց նրանց` Հայ ազգային կոնգրեսի ծննդյան 3-րդ տարեդարձի կապակցությամբ:

Փաշինյանը համառոտ ներկայացրեց Կոնգրեսի 3 տարիների գործունեությունը: «Այս ընթացքում իշխանությունը ժողովրդի հետ խոսում էր ավտոմատներով, մահակներով, բռնություններով, սափրագլուխներով էր խոսում ժողովրդի հետ: Այսօր բոլոր ոստիկանները հանել են իրենց կամուֆլյաժները, հագել են կոստյում եւ գալուստուկ եւ երկխոսում են Կոնգրեսի հետ»,-ասաց Նիկոլ Փաշինյանը` տեղի ունեցածը ՀԱԿ-ի գործունեության արգասիքը:

Փաշինյանը որպես Կոնգրեսի «հաղթանակ» է համարել նաեւ Մարտի մեկի գործի վերաբացումն ու «Ազատության» հրապարակի վերանվաճումը:

20:35 ՀՀՇ վարչության նախագահ Արամ Մանուկյանը, սովորության համաձայն, անդրադարձավ դեպի Երեւան եկող փակ ճանապարհներին:Նա հայտարարեց, որ աայլևս չի հավատում իշխանության անկեղծությանը` Կոնգրեսի հետ բանակցություններում: Հիշում ե՞ք իրենց օրակարգի հարցը որն է. Հայաստանում արդար, թափանցիկ ու սիրուն ընտրություններ անցկացնելը: Ինչպե՞ս, քաղաքացուն իր գյուղից, իր շրջանից դուրս ց դուրս չթողնելո՞վ»,-հարցրեց նա:

Արամ Մանուկյանը հիշեցրեց նաեւ, որ վերջին ամիսների ընթացքում «պաշտոնական կեղծված» տվյալներով 90 հազար հոգի է լքել Հայաստանը: 

Ի դեպ` ՀԱԿ ղեկավարները հարթակից պարբերաբար կոչ են անում մարդկանց դուրս գալ ծառերի տակից եւ կանգնել հրապարակում:

20:50 Ելույթ ունեցավ ՀԱԿ համակարգող, իշխանության հետ երկխոսող Կոնգրեսի պատվիրակության անդամ Լեւոն Զուրաբյանը, ով ներկայացրեց երկխոսության արդյունքները եւ նշեց, որ բանակցելու համար «բացառված չէ, որ որեւէ որոշում կայացնելիս դիմեն նաեւ ժողովրդին»:

«Ժողովրդավարության հաստատմանը ընդամենը ամիսների հարց է մնացել»,- հայտարարեց նա եւ նշեց, որ իրենց հաջողվել է «ազատել քաղբանտարկյալներին, «Ազատության» հրապարակում հանրահավաքներ անցկացնել եւ իշխանություններին նստեցնել բանակցությունների սեղանին»:

Լեւոն Զուրաբյանը երկխոսության նվաճում համարեց այն, որ Կոնգրեսի պահանջով իշխանության պատվիրակությունը ներկայացնում է անձամբ Սերժ Սարգսյանին: Ըստ Զուրաբյանի` հաջողություն է նաեւ այն, որ իշխանությունները նստել են բանակցելու`  արտահերթ նախագահական եւ խորհրդարանական ընտրություններ անցկացնելու իրենց պահանջը:

21:04  «Հանրապետություն» կուսակցության ղեկավար Արամ Սարգսյանի համոզմամբ` իշխանությունների հետ երկխոսությունը կարող է լուծման երկու տարբերակ ունենալ: Նախընտրելի տարբերակն այն է, որիշխանությունը հասկանա, որ արտահերթ ընտրություններն այլընտրանք չունեն:

21:12 Հայ ազգային կոնգրեսի առաջնորդ Լեւոն Տեր-Պետրոսյանը եւս անդրադարձավ իշխանության հետ երկխոսությանը: «Այս երկխոսությունից դեռևս ո'չ իշխանությունը, ո'չ Հայ ազգային կոնգրեսը, ո'չ էլ մեր ժողովուրդը ոչինչ չի շահել, բայց շահել է մեր երկիրը, մեր պետությունը, միջազգային ասպարեզում անսահմանորեն բարձրացել է ՀՀ հեղինակությունը՝ որպես քաղաքակիրթ երկիր, քաղաքակիրթ պետություն»,- հայտարարեց առաջին նա:

Հիշեցնենք, որ հանրահավաքի ավարտից հետո «Ազատության» հրապարակում հերթական «դիսկոտեկն» է լինելու: Մասնակիցները նշելու են Կոնգրեսի տարեդարձը: