ՀԱԿ հանրահավաքը մեկնարկեց/ տեսանյութ

ՀԱԿ-ի հանրահավաքը մեկնարկեց: Ազատության հրապարակը լեցուն չէ, եւ ՀՀՇ վարչության նախագահ Արամ Մանուկյանը դա բացատրեց ճանապարհների փակ լինելու հանգամանքով:

Նա նշեց, որ ժողովրդավարություն խաղացող իշխանությունները փակել են Երեւան եկող բոլոր ճանապարհները, երթուղայինները չեն աշխատել, իսկ մեկ ժամ առաջ չի աշխատել նաեւ մետրոն:

Ելույթ է ունենում վերջերս ազատ արձակված «Հայկական ժամանակ» օրաթերթի գլխավոր խմբագիր Նիկոլ Փաշինյանը: Նա իր խոսքում նշեց, որ իրենց հիմնական պահանջը շարունակում է մնալ արտահերթ խորհրդարանական եւ նախագահական ընտրությունների անցկացումը: Իսկ իշխանության խոսքերը, թե արտահերթ ընտրությունների համար նախադրյալներ չկան, չեն համապատասխանում իրականությանը:

Նիկոլ Փաշինյանին հաջորդեց Սասուն Միքաելյանը: Նա հայտարարեց, որ իշխանության հետ սկսված երկխոսությունը հնարավորություն է տալու քաղաքակիրթ ճանապարհով ժողովրդին վերադարձնել իշխանությունը:

Տեսանյութը կարող եք դիտել այստեղ: