Բագրատյանը վարչապետին համարում է անգրագետ

«Պետք է Տիգրան Սարգսյանին աշխատանքից հանել, ձեր կոշիկի ձախ թայը տանել դնել վարչապետ, նորմալ կաշխատի էդ պետությունը»,- այսօր լրագրողների հետ հանդիպման ժամանակ ներկայիս վարչապետի հանդեպ իր վաղեմի ատելությունն այսպես արտահայտեց նախկին վարչապետ Հրանտ Բագրատյանը` ի պատասխան լրագրողներից մեկի հարցին, թե ի՞նչ կոնկրետ լուծումներ կառաջարկի տնտեսության ներկա վիճակը բարելավելու համար:

«Ես շատ կոնկրետ լուծում առաջարկեցի, ձեր կոշիկը կհռչակենք ՀՀ վարչապետ»,- հավելեց նա:

Իսկ երբ լրագրողները հետաքրքրվեցին, թե ինչո՞ւ Բագրատյանն այդքան չի սիրում Տիգրան Սարգսյանին, նա նշեց. «Որովհետեւ ինչ ասում են` հիմարություն է: Մարդը գրագիտություն չունի: Ավելի լավ չի՞` բացահայտ անգրագետ, մի հատ գողական նույնիսկ ըլնի, որ գոնե թասիբ ունենա ինչ-որ, էս ի՞նչ ձեւ ա»: