Բողոքի ցույցեր` Մադրիդում

Իսպանիայի մի շարք քաղաքներում մի քանի օր տեւած բողոքի քայլերթի մասնակիցները հավաքվել են Մադրիդում. տեղեկացնում է Press TV-ն:

Ակցիայի մասնակիցների հիմնական պահանջը տնտեսական ճգնաժամի հաղթահարման ուղղությամբ շտապ միջոցառումների իրականացումն է, նաեւ հասարակության անպաշտպան շերտերին աջակցությունը:

Ցուցարարները հիմնականում հավաքված են քաղաքի կենտրոնական` Պուերտո դել Սոլ հրապարակում եւ երկրի վարչապետի գրասենյակի առջեւ:

Գործողությունը կազմակերպվել է այն բանից հետո, երբ երկրի կառավարությունը գնացել է «հունական ճանապարհով»` կրճատելով բյուջեի մի շարք հոդվածներ, ինչը բացաական է անդրադարձել հասարակության լայն շերտերի վրա: Վիճակագրական հարցման արդյուքները ցույց են տալիս, որ բողոքի գործողությանը երկրի բնակչության 70 տոկոսը հավանություն է տվել: Ի դեպ, կազմակերպիչները հերթական անգամ կիրառել են սոցիալական ցանցերի հնարավորությունները:

Իսպանիայի տնտեսությունը զգալի տուժել է ֆինանսատնտեսական ճգնաժամից: Մասնագետների կարծիքով` Իսպանիան հաջորդ թեկնածուն է, որը կարող է կիսել Հունաստանի ճակատագիրը: