Google-ի ղեկավարը հանդիպելու է Գյուլի հետ

Google-ի տնօրենների խորհրդի նախագահ Էրիկ Շմիդտը ժամանելու է Թուրքիա եւ հանդիպում է ունենալու նախագահ Աբդուլլահ Գյուլի հետ:

Ինչպես հաղորդում է «Արմենպրեսը», հանդիպման ժամանակ քննարկվելու է Թուրքիայի կողմից ինտերնետային կայքերը գրաքննելու ծրագիրը:

Թուրքիայից առաջ կայքերը ֆիլտրելու ծրագիր էին իրականացնում նաեւ Չինաստանն ու Հոնգկոնգը, որտեղ երկար բանակցություններից հետո գրաքննությունը դադարեցվեց, սակայն դրա վերսկսման վտանգը շարունակում է մնալ:

Հիմա էլ Թուրքիան է այս հարցը բարձրացրել: Շմիդտը նշել է, որ Թուրքիայի այդ ծրագիրը «վատ գաղափար» է:

Ի դեպ, Թուրքիան ինտերնետը գրաքննելու հայտարարությամբ սպառնում է ոչ միայն Google-ին: Բազմիցս սպառնալիքներ են հնչել նաեւ աշխարհի ամենամեծ սոցցանցը` Facebook-ը փակելու վերաբերյալ: