Թունավորման պատճառն աղիքային վարակն էր

ՀՀ առողջապահության նախարար Հարություն Քուշկյանն այսօր կառավարության նիստից հետո կայացած ճեպազրույցում հաստատել է, որ Նոր Խարբերդում տեղի ունեցած թունավորման պատճառն աղիքային վարակն է:

Նա նշել է, որ հոսպիտալացվել է 12 մարդ: «Հիվանդների վիճակը հիմնականում եղել է թեթեւ եւ միջին ծանրության: Նրանց մեծ մասն արդեն դուրս է գրվել»,- տեղեկացրել է նախարարը` հավելելով, որ երկու հիվանդ դեռ դուրս չի գրվել:

Նա հավաստիացրել է, որ հիվանդների բուժումը շարունակվում է` գլխավոր մասնագետի հսկողության տակ են: «Ես հուսով եմ, որ հիվանդների վիճակն ավելի կլավանա, եւ մեկ-երկու օրվա ընթացքում մենք նրանց դուրս կգրենք»,- ասել է Քուշկյանը: