Վրացական ընդդիմությունը ցավակցել է Աբխազիայի ժողովրդին

Վրացական ընդդիմադիր «Նոր իրավունքներ» միավորումը եւ «Անկախ Վրաստան» կուսակցությունը իրենց ցավակցությունն են հայտնել աբխազ ժողովրդին` երկրի նախագահ Սերգեյ Բաղապշի մահվան կապակցությամբ:

Նախագահ Բաղապշի թաղումը տեղի է ունեցել այսօր:

Gazeta.ru-ի փոխանցմամբ` «Նոր իրավունքների» ցավակցական հեռագրում ասվում է. «Աբխազները եւ վրացիները պետք է միասին հաղթահարեն իրենց առջեւ ծառացած բոլոր դժվարությունները: Մենք հավատում ենք, որ անհաղթահարելի խնդիրներ չկան, եւ մենք միմյանց սրտերին հասնելու ճանապարհը կգտնենք»:

Իսկ «Անկախ Վրաստան»-ը նշել է. «Թեեւ այսօր վրացի եւ աբխազ ժողովուրդների միջեւ պատնեշ կա, բայց դա չի խանգարում մեզ կիսել ձեր ցավը»:

Ի դեպ, Վրաստանի իշխանությունները մինչ այժմ չեն ցավակցել Աբխազիայի ժողովրդին: