Խաչքարերի լուսանկարների ցուցահանդես` ՅՈՒՆԵՍԿՕ-ի գրասենյակում

Այս տարվա հունիսի 15-24-ը ՅՈՒՆԵՍԿՕ-ի փարիզյան գրասենյակում կկազմակերպվի խաչքարերին նվիրված լուսանկարչական ցուցահանդես-մրցույթ, որի հաղթողը կստանա 15.000 ԱՄՆ դոլար. գրում է Nouvelles d’Arménie-ն: Ցուցադրության շրջանակներում կկազմակերպվի նաեւ մշակութային հուշարձանների պահպանությանը նվիրված երեք խոշոր խորհրդաժողով:

Միայն Հայաստանի տարածքում գտնվող 50 000-ից ավելի խաչքարերից յուրաքանչյուրը յուրատեսակ է, մեկը մյուսին չի կրկնում: 

Հիշեցնենք, որ 2010 թ. նոյեմբերի 17-ին հայկական խաչքարն ընդգրկվեց ՅՈՒՆԵՍԿՕ-ի մշակութային ժառանգության ցուցակում` չնայած Ադրբեջանի պնդումներին, թե այլ ազգեր եւս խաչքարեր ունեն: