ՆԱՏՕ-ն շարունակ "վրիպում" է

Երեկ ՆԱՏՕ-ի ռազմաօդային ուժերը ռմբակոծել են լիբիական Մարսա ալ Բրեգա քաղաքը, ինչի հետեւանքով զոհվել է 11 մարդ, 45-ը վիրավոր են:

Դաշինքի հայտարարության համաձայն` ավիահարվածն ուղղված է եղել «Քադաֆիի ուժերի վերահսկման եւ կառավարման բունկերին»:

«Մենք լսել ենք քաղաքացիական բնակչության շրջանում հնարավոր զոհերի մասին, ու թեեւ չենք կարող ինքնուրույն հաստատել մեղադրանքների հիմնավորված լինելը, մենք ցավում ենք անմեղ քաղաքացիների մահվան համար, եթե դա տեղի է ունեցել»,- ասվում է ՆԱՏՕ-ի հայտարարության մեջ, նաեւ շեշտվում է, որ ռմբակոծվել է որպես հրամանատարական կենտրոն հստակորեն նույնականացված թիրախը:

Լիբիական հեռուստատեսությունը ցույց է տվել մի քանի զոհերի դիակներ` հայտարարելով, որ մահացածները հիմնականում հոգեւորականներ են, որոնք հավաքվել էին ուրբաթօրյա աղոթքի: