Իրավունք չունենք ոտնձգություն անել նախնյաց հիշատակների դեմ

Հայրենի կառավարությունը հանքարդյունաբերությունը զարգացնելու հետ մեկտեղ անտեսում է այդ վայրերի պատմամշակութային հուշարձանները. «Երկիր»-ի խնդրանքով մեկնաբանելով այդ իրադրությունը` ասաց հուշարձանագետ Սամվել Կարապետյանը:

«Այս պահին չգիտեմ` էլ ինչ ասեմ: Միայն մի բան կարող եմ ասել, որ իրավունք չունենք ոտնձգություն անել նախնյաց հիշատակների դեմ: Եթե մենք մեզ մշակութակիր ազգ ենք համարում ու սիրում ենք ասել, որ դարերից ենք եկել ու դեպի դարերն ենք շարժվում, ապա այդ հիշատակները մեզ պետք է ուղեկցեն: Հուշարձանները մեր հիշողությունն են, եւ պետք է հարգանք ցուցաբերենք դրանց նկատմամբ: Իսկ եթե վտանգում ենք մեր հուշարձանները, այլեւս ինչ իրավունք ունենք բարձրաձայնելու, թե մեր հարեւան երկրներում ինչպես են վարվում հայկական հուշարձաների հետ»,-նշեց հուշարձանագետը: