ՀՐԱՊԱՐԱԿ. Երրորդ կողմը "Արմնյուզն" է

Երեկ ՀՀ վարչական դատարանում կայացել է «Ա1+»-ն ընդդեմ Հեռուստատեսության եւ ռադիոյի ազգային հանձաժողովի» գործի նախնական դատական նիստը: «Ա1+»-ը ՀՌԱՀ-ից պահանջում է չեղյալ համարել 2010 թ. դեկտեմբերի 16-ի 96 Ա որոշումը, որով «Ա1+»-ը թվային հեռարձակման թիվ 11 մրցույթում պարտվող է ճանաչվել:

ՀՌԱՀ-ը պահանջվող 6 չափորոշիչներից շեշտը դրել է «Ա1+»-ի մրցութային փաթեթի ֆինանսական կողմի վրա` պատճառաբանելով, թե ներդրումային խոստման մեջ անճշտություններ կան:

«Ա1+»-ի ներկայացուցիչ Ալեքսանդր Սահակյանը միջնորդություն է  ներկայացրել, որպեսզի դատարանը իբրեւ դատաքննության 3-րդ կողմ ընդգրկի «Արմնյուզ» ՓԲԸ-ին, քանի որ ՀՌԱՀ-ի որոշմամբ հենց այս հեռուստաընկերությունն է հաղթող ճանաչվել:

Դատարանը բավարարել է «Ա1+»-ի միջնորդությունը: