168 ԺԱՄ. ՀՀԿ-ում հրմշտոցներ չկան

ԱԺ ՀՀԿ խմբակցության ղեկավար Գալուստ Սահակյանը, երեկ անդրադառնալով ՀՀ վարչապետի եւ ԱԺ նախագահի հնարավոր փոփոխությունների մասին լուրերին, ասել է, թե դրանք «լուրջ քաղաքական պրոցեսներ չեն»:

Հարցին, թե ԱԺ նախագահին իր պաշտոնն առաջարկելով` վարչապետը նախագահի լիազորություննե՞ր է իր վրա վերցրել, թե՞ հոգնել է իր պաշտոնից, Գ. Սահակյանը պատասխանել է, որ վարչապետն ընդամենը կատակել է, երբ ասել է, որ իր պաշտոնն առաջարկում է ԱԺ նախագահին:

«Վարչապետի կատակն իրավաբանական որեւէ հիմք չունի, բացի այդ` վարչապետը չի հոգնել իր պաշտոնից»,- ասել է նա:

Նաեւ հավելել է. «Մեր գործընկերները կամ քաղաքական թիմի անդամները բարձր են գնահատում իրենց այսօրվա դերակատարությունը: Մեր մոտ հրմշտոցներ չկան եւ չեն էլ կարող լինել»: