Խոդորկովսկու բողոքը բավարարվել է

Վերաքննիչ դատարանը երեկ մերժել է ՅՈՒԿՕՍ-ի նախկին ղեկավար Միխայիլ Խոդորկովսկու եւ նույն ընկերության նախկին աշխատակից Պլատոն Լեբեդեւի կալանավորման ժամկետը երկարաձգելու հայցը:

Ինչպես հաղորդում է Gazeta.ru-ն, դատարանը չեղյալ է հայտարարել Մոսկվայի Խամովնիչեսկի դատարանի 2010 թ. օգոստոսի 16–ի, Մոսկվայի վճռաբեկ դատարանի 2010 թ. սեպտեմբերի 2-ի եւ Մոսկվայի քաղաքային դատարանի 2011թ. փետրվարի 18-ի որոշումները։

Պաշտպանող կողմը պահանջել էր չեղյալ հայտարարել վերը նշված որոշումները, որոնց համաձայն` Խոդորկովսկու եւ Լեբեդևի անազատության մեջ գտնվելու ժամկետը երկարացվել էր 2010 թվականի օգոստոսի 17-ից նոյեմբերի 17-ը։

Դատապաշտպանները նշել են, սակայն, որ այդ որոշումներն անօրինական են եւ հակասում են փաստացի հանգամանքներին։ Իրենց բողոքում դատապաշտպանները նշել էին, որ ձերբակալության ժամկետի երկարացումը հակասում է Ռուսաստանի քրեական դատավարության փոփոխություններին, որոնց համաձայն` 2010-ի ապրիլից տնտեսական հանցագործությունների մեջ մեղադրվողների նկատմամբ, որպես խափանման միջոց, կալանք կիրառելն արգելվում է։