Պոմպեյի վերականգնման նոր նախագիծ

Իտալիայի մշակույթի նախարար Ջանկարլո Գալանը հայտարարել է Պոմպեյի վերականգնման նոր խոշոր նախագծի մասին: Այն մշակվել է ի պատասխան միջազգային քննադատության, թե այդ հին հռոմեական քաղաքի շենքերը քայքայվում են:

Ի դեպ, Գալանի նախորդը` Սանդրո Բոնդին, այս տարվա սկզբին հրաժարական էր տվել` կապված Իտալիայի մշակութային ժառանգության պահպանության վերաբերյալ քաղաքական սկանդալի հետ:

Նեապոլից ոչ հեռու գտնվող Պոմպեյ քաղաքը, որը ոչնչացել էր մ.թ. 79 թվականին Վեզուվ հրաբխի ժայթքման հետեւանքով, պեղումներից հետո համարվում է ամենալավ պահպանված հռոմեական քաղաքը, նաեւ ընդգրկված է ՅՈւՆԵՍԿՕ-ի համաշխարհային մշակութային արժեքների ցուցակում: