Մանվել Սարգսյանը տնօրեն է

Կադրային փոփոխություն է եղել Ռազմավարական եւ ազգային հետազոտությունների հայկական կենտրոնում. Ռիչարդ Կիրակոսյանն այն այլեւս չի ղեկավարի. այսօր լրագրողների հետ հանդիպման ժամանակ ասաց կենտրոնի նորանշանակ տնօրեն, քաղաքագետ Մանվել Սարգսյանը:

Նա նշեց, որ Ռիչարդ Կիրակոսյանն իր կամքով է հեռացել, եւ որեւէ խնդիր չի եղել: Թեեւ կարծիքներ կան, որ ներքաղաքական խնդիրներն են պատճառը, բայց, ըստ Մ. Սարգսյանի,  Ռիչարդը երբեւէ քաղաքականությամբ չի զբաղվել եւ չի զբաղվելու:

Ռիչարդ Կիրակոսյանը պատրաստվում է նոր կենտրոն բացել, որը կոչվելու է Տարածաշրջանային ուսումնասիրությունների կենտրոն:

«Մենք, ինչպեսեւ նախկինում, փորձելու ենք հեռու մնալ քաղաքականությունից, որպեսզի հասարակությունը մեր հետազոտություններին հավատա ու վստահի»,- ասաց Մ. Սարգսյանը: