Բեռլուսկոնիին դատում են

Այսօր Միլանում սկսվելու է Իտալիայի վարչապետ Սիլվիո Բեռլուսկոնիի դեմ դատավարությունը, որին մեղադրում են անչափահաս աղջիկների հետ սեքսուալ կապեր ունենալու համար:

Ինչպես տեղեկացնում են վարչապետի փաստաբանները, նա դատարան չի ներկայանա: Դատավարությունը դռնփակ է լինելու:

Մեղադրող կողմի վկաների ցուցակում մոտ 140 անուն կա, այդ թվում` մեկ տասնյակ աղջիկների, ովքեր մասնակցել են Բեռլուսկոնիի առանձնատանը կազմակերպված երեկույթներին:

Պաշտպանող կողմի վկաների թիվը 2 անգամ պակաս է: Այդ ցուցակում են արտաքին գործերի եւ կրթության նախարարները, խորհրդարանականներ, քաղաքական գործիչներ, նաեւ ամերիկյան դերասան Ջորջ Քլունին եւ նրա ընկերուհին: Այդ վկաներից շատերն արդեն հայտարարել են, որ չեն եղել Բեռլուսկոնիի առանձնատանը, սակայն պատրաստ են հանդես գալ դատավարության ժամանակ: