Դժգոհության նոր ալիք

Երկրպագուների համառուսաստանյան միավորումը պաշտոնապես դիմել է Ռուսաստանի ֆուտբոլային միության նախագահ Սերգեյ Ֆուրսենկոյին` խնդրելով հետաքննել Հայաստան - Ռուսաստան ֆուտբոլային հանդիպմանը նախորդած միջադեպերը, որի հետևանքով մոտ 100 ռուսաստանցի ֆուտբոլասերներ տոմսերով չեն կարողացել մտնել մարզադաշտ:

Կազմակերպությունն այդ միջադեպերի, նաև խաղից առաջ մարդկային կուտակումների մեղավոր է համարում հանդիպման կազմակերպիչներին և պահանջում է Հայաստանի ֆուտբոլի ֆեդերացիայի հետ պարզաբանել բացթողումներն ու քննարկել պաշտոնական ներողության եւ տուժած երկրպագուներին փոխհատուցելու հնարավորությունը. հաղորդում է Gazeta.ru-ն:

Ինչպես տեղեկացանք Հայաստանի ֆուտբոլի ֆեդերացիայի մամուլի քարտուղարությունից` մեր ֆեդերացիային դեռևս ոչ մի դիմում և բողոք չի ներկայացվել:

Որոշ ասեկոսեների համաձայն` ռուս երկրպագուները ցանկացել են հանդիպումից ժամեր առաջ տոմսեր ձեռք բերել: Ասում են, որ առաջարկվել է մինչ 300 դոլար: