Հրադադարը խախտվել է 250 անգամ

Համաձայն ՊԲ օպերատիվ տվյալների` մարտի 20-26-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի ռեժիմը խախտվել է շուրջ 250 անգամ, ինչի արդյունքում արձանագրվել է ավելի քան 1800 կրակոց:

Ադրբեջանական բանակի առաջապահ ստորաբաժանումները տարբեր տրամաչափի հրաձգային զինատեսակներից ու դիպուկահարային հրացաններից առավել ինտենսիվ կրակահերթեր են իրականացրել մարտի 20-ին, 21-ին և 25-ին` կրակային թիրախ ընտրելով շփման գծի գրեթե բոլոր ուղղություններում տեղակայված հայկական դիրքերը:

ՊԲ լրատվության և քարոզչության բաժինը ուշադրություն է հրավիրում հատկապես այն հանգամանքին, որ, բացի այլ հրաձգային զինատեսակներից, մարտի 24-ին և 25-ին ադրբեջանական ուժերը Մարտունու պաշտպանական ուղղությամբ կիրառել են նաև ԱԳՍ տիպի նռնականետներ` արձակելով ավելի քան 10 արկ:

Չնայած հակառակորդի դրսևորած ակտիվությանը` ՊԲ առաջապահ ստորաբաժանումները վստահորեն իրականացրել են իրենց առջև դրված մարտական խնդիրը և ապահովել առաջնային գծի պահպանությունը: