ԱՌԱՎՈՏ. Եթե վաղը սա է լինելու պետության որակը

Երեկ ճեպազրույցում Րաֆֆի Հովհաննիսյանն ասաց, թե բազմաթիվ թերթեր` անգամ խիստ ընդդիմադիր, այնպիսի ստեր են հրապարակել իր եւ իր ընտանիքի մասին, որ տարրական էթիկա եւ բարոյականություն ունեցողը պետք է թույլ չտար:

«Վաղվա օրը միշտ գալու է, եւ եթե դա է լինելու այս որակը, որ հիմա տիրում է որոշ ընդդիմադիր շրջանակներում, եթե սա է լինելու պետության որակը` վաղը-մյուս օրը, երբ լինելու է իշխանափոխություն, ուրեմն դա մեզ պետք չէ, որովհետեւ դա նշանակում է, որ ոչ մի փոփոխություն չի լինելու:

Այդ փոփոխությունը քաղաքական դաշտում, ընդդիմադիրների մոտ ու նաեւ լրագրության մեջ պետք է լինի հիմա, որակապես պրոֆեսիոնալ ձեւով եւ բարոյականության ու մասնագիտական բարձր չափանիշով: Իսկ եթե ոչ` փոխարինելու ենք իշխանությունը ընդդիմությամբ, եւ իրենք շարունակելու են նույն որակներով: Այդ հարցը հիմա պետք է լուծենք` մինչեւ առաջ քայլելը»,- ասել է քաղաքական գործիչը: