Հայաստանում գինու որակը բարելավվել է

«Արդեն վեց տարի է` գալիս եմ Հայաստան եւ կարող եմ հստակ ասել, որ Հայաստանում գինու որակը բարելավվել է, եւ գինին իր ճիշտ տեղն է գրավում»,- ասաց  2008-ի լավագույն սոմելիե, սոմելիեների միջազգային մրցույթի դափնեկիր, գինու եւ ուտելիքի գիտակ, ֆրանսահայ մատռվակ Սերժ Ղուկասյանը:

Հայկական գինին համամատելով այլ երկրների, օրինակ` չիլիականի, արգենտինականի հետ` նա նշեց, որ հայկական գինին կարող է մրցել այլ երկրների գինիների հետ. «Միջին գամայում հաստատ կարող է գործել: Համոզված եմ, որ մի 10 տարի անց, երբ զարգանան գիտելիքները, եւ նոր տեխնոլոգիաններ օգտագործվեն ու կատարելագործվեն, ավելի որակյալ գինի կարտադրվի Հայաստանում»:

Yerkir.am-ի այն հարցին, թե հայկական գինին համաշխարհային գինու արտադրության մեջ ինչ տեղ է զբաղեցնում, Հայաստանի գինեգործների միության նախագահ Ավագ Հարությունյանը հայտնեց, որ աշխարհի 70 երկրում գինի են խմում: «Հայաստանը սպառման առումով 64 տեղում է: Իսկ թե ինչ դերում ենք, ասեմ` 10 եվրո եւ ավելի արժեք ունեցող գինիներից մենք շատ հեռու ենք, 1-2 եվրո արժողության գինիների մեջ մենք շատ որակով ենք,  3-4 եվրոյի ցուցակում մենք մրցունակ են, իսկ 5-10-ում` կախված է արտադրողից»: