ԵՊՀ-ում ռումբ կա՞, թե՞ ոչ (լրացված, լուսանկարներ)

Երեւանի պետական համալսարանի քիմիական ֆակուլտետի մասնաշենքը դատարկվում է. պատճառը ահազանգն է` տեղադրված ռումբի մասին:

Ինչպես ԵՐԿԻՐ-ի հետ զրույցում նշեցին ԵՊՀ հասարակայնության հետ վարչությունում, դեռ ոչինչ պարզ չէ, սակայն «արդեն տարհանել են ուսանողներին»:

Ավելի ուշ տեղեկացանք, որ անվտանգության աշխատակիցները  եւ ոստիկանները` շների օգնությամբ, փորձում են հայտնաբերել ռումբը: Ընդ որում` անվտանգության աշխատակիցներից մեկը մեր թղթակցին հայտնեց` կասկածներ կան, որ ռումբ իսկապես տեղադրվել է, քանի որ միջանցքի գրանիտե հատակի քարերից մեկը շարժվում է:

Տեղեկացնենք նաեւ, որ, որքան էլ տարօրինակ է, խուճապը չի ազդել Գարեգին Նժդեհի 125-ամյակին նվիրված միջոցառման վրա. դահլիճը լեփ-լեցուն է մասնակիցներով:

Լուսանկարները` Անդրանիկ Լավչյանի