Արգելափակոց` հավատացյալ եւ աշխարհիկ երեխաների միջեւ

Երուսաղեմի քաղաքապետարանի որոշմամբ` քաղաքի Կիյաթ-Յուվել թաղամասի մանկական խաղահրապարակներից մեկում արգելափակոց-ցանկապատ է հայտնվել, այն հրապարակը երկու մասի է բաժանում` հավատացյալ եւ աշխարհիկ երեխաների համար:

Բանն այն է, որ խաղահրապարակի տարածքն ընդահանուր է երկու կրոնական եւ մեկ աշխարհիկ դպրոցների համար: Արգելափակոցի կառուցումը ծայրահեղ կրոնականների մտահղացումն է. նրանք դեմ են, որ իրենց երեխաները շփվեն աշխարհիկ դպրոց հաճախող` «առանց ավանդական հրեական զգեստների երեխաների հետ»:

Իսկ թաղամասի բնակիչներն էլ բողոքում են, որ օրթոդոքսները վերջին երկու տարիներին փորձում են «գաղութացնել» իրենց թաղամասը. այնտեղ բնակություն են հաստատել հարյուրավոր հավատացյալ ընտանիքներ, թեեւ դեռ փոքրամասնություն են կազմում: