Նալբանդյանը հաջող մեկնարկեց

Արգենտինայի հավաքականի առաջատար ծագումով հայ թենիսիստ Դավիթ Նալբանդյանը առաջին միավորը վաստակեց ազգային թիմի համար 2011 թ. Դևիսի գավաթի խաղարկության Ռումինիայի հետ մեկնարկային հանդիպման ժամանակ։ Աշխարհի 19-րդ ուժեղագույն թենիսիստը ուրբաթ օրը հանդիպել էր ATP վարկածով 183-րդ տեղում գտնվող 26-ամյա Ադրիան Ունգուրի հետ։ Նալբանդյանը 6։3, 6։2, 5։7, 6։4 հաշվով հաղթանակ է տոնել մրցակցի նկատմամբ։ Հանդիպումը տևել է 3 ժամ 4 րոպե։ 

Այսպիսով, Արգենտինայի հավաքականը 2։0 հաշվով հաղթում է Ռումինիայի հավաքականին։ Այսօր կորտ դուրս կգան զույգերը՝ Խուան Իգնասիո Չելա/Էդուարդո Շվանկ (Արգենտինա)- Վիկտոր Հանեսկո/Խորյա Տեկաու (Ռումինիա)։ Մյուս հանդիպումներում գրանցվեցին հետևյալ արդյունքները.

Խորվաթիա - Գերմանիա - 1։1

Ավստրիա - Ֆրանսիա 0։2

Բելգիա - Իսպանիա 0։2

Շվեդիա - Ռուսաստան 0։2

Ուկրաինա - Հոլանդիա 1։0

Սերբիա - Հնդկաստան 1։1

Չիլի - ԱՄՆ 0։1

Չեխիա - Ղազախստան 1։1