Ղազախստանի կանայք ու երկրի ռազմական բյուջեն

Ղազախստանի կանայք իրենց վրա ավելի շատ են ծախսում, քան երկրի ռազմական ծախսերն են: Այդ մասին կատակով հայտարարել է երկրի նախագահ Նուրսուլթան Նազարբաեւը Ղազախստանի մայրաքաղաքում կայացած կանանց համագումարի ժամանակ:

«Ուզում եմ պետական գաղտնիք բացել: Ինչպես ինձ զեկուցել է առեւտրի եւ տնտեսական զարգացման նախարարը, մեր կանայք իրենց վրա ծախսում են ավելի շատ գումար, քան երկրի ռազմական ծախսերն են: Դա զարմանալի չէ, որովհետեւ կանայք պետք է հաղթանակ տոնեն ամեն օր»,- ասել է երկրի նախագահը:

Նազարբաեւը միաժամանակ հավելել է, որ «մասնագետների հաշվարկով` ղազախստանցի կանայք ստեղծում են երկրի համախառն արդյունքի մոտ 40 տոկոսը: Նրանք կազմում են մանկավարժների 73, բժիշկների եւ բուժաշխատողների` 87, բյուջետային հիմնարկների աշխատողների 60 տոկոսը»: