ԱՄՆ Սենատը հաստատել է ռազմական բյուջեն

ԱՄՆ Սենատը հավանություն է տվել 2011 թ. ռազմական բյուջեին, որով Պենտագոնի ծախսերը մինչև սեպտեմբերի 30-ը կկազմեն 672 մլրդ դոլար, որից 158 մլրդ դոլարը կծախսվի Իրաքում եւ Աֆղանստանում ռազմական գործողությունների անցկացման համար:

Արդիականացման եւ նոր զինատեսակների ստեղծման համար կհատկացվի 514 մլրդ դոլար, ինչը 26 մլրդ դոլարով քիչ է Պենտագոնի կողմից ծրագրված գումարից. տեղեկացնում է www.defensenews.com ինտերնետային կայքը:

2011 թվականի բյուջեով ֆինանսավորում չի հատկացվի F136 այլընտրանքային շարժիչի եւ F-35 Lightning II ռմբակոծիչի մշակմանը: Կրճատվել են նաեւ դրսում իրականացվող ռազմական գործողություններին եւ որոշ զինտեխնիկայի վերանորոգմանը հատկացվող գումարները: