Դու ո՞վ ես, ախր

ԱԺ ճեպազրույցների ժամանակ ՀՅԴ խմբակցության ղեկավար Վահան Հովհաննիսյանն անդրադարձավ «Ժառանգություն» խմբակցության պատգամավորների և ոստիկանների միջև երեկ տեղի ունեցած միջադեպին։

Խոսելով ոստիկանության առաջնորդներից մեկի հեռուստաելույթի մասին` Վահան Հովհաննիսյանն ասաց. «Որքան հասկանում եմ,  ոստիկանությունն արդեն սկսում է հասարակությանը դասեր տալ՝ ի՞նչ կարելի է ասել կառավարությանը, ի՞նչ կարելի է պահանջել, իսկ ի՞նչ չի կարելի պահանջել։ Ոստիկանները սկսում են քաղաքական գնահատականներ տալ ընթացող գործընթացներին։ Սա հավանաբար Սահմանադրության և օրենսդրության հետ ծանոթ չլինելու հետևանք է, որովհետև ոստիկանության խնդիրը մեզ դասեր տալը չէ, այլ կարգուկանոն հաստատելը»:

Նա նաեւ նշեց, որ որոշ ոստիկաններ իրենց դերը քաղաքական են համարում եւ գնահատականներ ու որակումներ են տալիս քաղաքական ուժերին. «Օրինակ` մեզ էլ խորհուրդներ են տալիս, որ մենք շտապեցինք` մեր հայտարարությունն անելով։ Հարց է՝ դու ո՞վ ես, ախր»։