Ոստիկանները դեռ չեն նկատում

Արդեն մեկ ամիս է, ինչ գործում է Տիգրան Մեծի պողոտայի, այսպես կոչված` Ֆիրդուսի տոնավաճառի մոտ գտնվող կանգառը, որը նախատեսված չէ ասենք` կես ժամով ավտոկայանի համար: Սակայն ո'չ ոստիկանները եւ ո'չ էլ վարորդները կարծես չգիտեն այդ մասին:

Մենք 2 շաբաթ առաջ անդրադարձել էինք այս խնդրին, սակայն անհայտ պատկանելության ավտոմեքենաները շարունակում են գրոհել կանգառը` մարդկանց եւ երթուղայինների վարորդներին նվիրելով «երկրորդ գիծը»:

«Այ աղջիկ ջան, էս ինչ օյին բերին մեր գլխին: Էս կանգառի տեղադրման իմաստը որն էր` տենց էլ չիմացանք: Գիտե՞ս` ինչն է հետաքրքիր, որ մեքենաները կանգառում գալիս, սիգնալ են տալիս, որ իրենց ճանապարհ տաս»,- ասաց տեղի բնակիչ Սուսաննա Այվազյանը:

Հուսանք` խնդիրը երրորդ հրապարակմանը չի հասնի: