Ցավում եմ, որ լրագրողները նկատում են, բայց մենք չենք նկատում Սուրիկ Խաչատրյանին. ՀՀԿ-ական

Այսօր խորհրդարանական ճեպազրույցների ժամանակ լրագրողները ԱԺ ՀՀԿ խմբակցության ղեկավար Վահրամ Բաղդասարյանից հետաքրքրվեցին, թե երեկ ՀՀԿ ԳՄ նիստին ինչու էր ներկա նաեւ Սյունիքի նախկին մարզպետ Սուրիկ Խաչատրյանը:

«Ցավում եմ, որ լրագրողները նկատում են, բայց մենք չենք նկատում Սուրիկ Խաչատրյանին: Երևի լրագրողների աչքը ավելի սուր է»,-պատասխանեց Բաղդասարյանը:

Նա մանրամասնեց, որ երեկ եղել է երկու նիստ, առաջին նիստը` դռնփակ, որտեղ կառավարությունը ներկայացրել է իր առաջիկա անելիքները, իսկ երկրորդը ԳՄ նիստն է եղել, և այնտեղ, ԳՄ անդամներից բացի, ոչ ոք ներկա չի եղել:

«Ես երեկ Սուրիկ Խաչատրյանին ընդանրապես չեմ տեսել, որ բարևեմ: Գուցե շենքում է եղել մարդը, բայց ԳՄ նիստին, բացի անդամներից, այլ ոք չի եղել»,- ասաց Վահրամ Բաղդասարյանը` ևս մեկ անգամ շեշտելով, որ երեկ ՀՀԿ ԳՄ նիստում Սյունիքի մարզպետի նշանակման հարցը չի քննարկվել: