Հայաստանում Եգիպտոս չի լինի

Կոնտենտ անալիզի միջոցով 1941 թվականին ամերիկացիները կանխատեսել էին Գերմանիայի հարձակումը Ռուսաստանի վրա: Սա արվել էր միայն մամուլում հրապարակված նյութերի վերլուծության հիման վրա:

Կա 37 երկրների ցուցակ, որտեղ բախումներ կարող են լինել` համաձայն նույն այս վերլուծական մոդելի: Հայաստանի Հանրապետությունն այս ցուցակի 24-րդ տեղում է: Այս մասին այսօր լրագրողների հետ հանդիպման ժամանակ ասաց սոցիոլոգ Ահարոն Ադիբեկյանը:

Նա նշեց, որ այս վերլուծությունների արդյունքներին միացել են նաեւ ադրբեջանցի փորձագետները, ովքեր «կանխատեսում են» ՀՀ-ի վաղաժամ փլուզումը` սոցիալ-տնտեսական հետամնացության եւ ժողովրդի բողոքի ալիքի հետեւանքով:

Սակայն  Ա. Ադիբեկյանը ներկայացրեց որոշ տվյալներ, որոնց համաձայն` գրեթե բացառվում են սոցիալական հիմքով բախումները Հայաստանում:

Կա աղքատության պաշտոնական ցուցանիշ եւ կա աղքատության ընկալում բնակչության կողմից: Այսպիսով` եթե պաշտոնական տվյալներով աղքատ է համարվում բնակչության 46.2 տոկոսը, ապա սուբյեկտիվ գնահատմամբ` աղքատները  ընդամենը 19.5 տոկոսն են:

Մեր ժողովրդի հոգեբանությունն է այդպիսին`մարդիկ իրենց աղքատ չեն համարում եւ սոցիալական բունտերի չեն դիմում:

Ա. Ադիբեկյանը նշեց, որ եգիպտոսյան դեպքերը, հակառակ շատ պնդումների, Հայաստանին չեն սպառնում: