Անթալիա. Հայաստան - Եգիպտոս՝ 3:1

Անթալիայում մեկնարկած շախմատի տղամարդկանց աշխարհի թիմային առաջնության երկրորդ  տուրում Հայաստանի հավաքականը խնդիրներ չունեցավ Եգիպտոսի հետ: Հայ շախմատիստները առավելության հասան 3:1 հաշվով:

Հայաստանի չեմպիոն Տիգրան Պետրոսյանը խաղում էր սպիտակներով: Նա պարտիան ավարտեց  32-րդ քայլում՝ հաղթանակով: Վլադիմիր Հակոբյանը, ով նույնպես խաղում էր սպիտակներով, 57-րդ քայլում պարտության  մատնեց Սամի Շոկերին, իսկ Գաբրիել Սարգսյանը սևերով 58-րդ քայլում ոչ-ոքի  խաղաց Բասեմ Ամինի հետ: Տուրի ամենաերկար պարտիան Սերգեյ Մովսեսյանինն էր, ով սևերով  93-րդ քայլում ոչ-ոքի խաղաց Մուհամեդ Եզադի հետ:

Մեր հավաքականի հաջորդ մրցակիցն է ԱՄՆ-ը: