Կշահագործվի ոսկու եւս մի հանքավայր

Հայաստանում բաց եղանակով կշահագործվի ոսկու եւս մի հանքավայր` Ամուլսարը:

Հետախուզման արտոնագիրը ստացել է «Գեոթիմ» ընկերությունը, որը Հայաստանում ներկայացնում է կանադական Lidian International ընկերության շահերը: Ենթադրվում է, որ հանքավայրի շահագործումը կսկսվի 2011թ.:

Ընկերության տվյալներով` հանքավայրը պարունակում է 1,4 միլիոն ունցիա ոսկի (մոտ 40 տոննա). հայտնում է «Էկոլուրը», նաեւ տեղեկացնում, որ կանադական ընկերության գլխավոր բաժնետերը IFC միջազգային ֆինանսական կորպորացիան է, որը Համաշխարհային բանկի, Newmont Mining Corporation-ի եւ Վերակառուցման եւ զարգացման եվրոպական բանկի խմբի մի մասն է:

Ի դեպ, ըստ Ամուլսարի մոտակայքում գտնվող Գորայք գյուղի բնակիչների` հանքավայրից 19-րդ դարի վերջին- 20-րդ դարի սկզբին ֆրանսիացիներն են ոսկի արդյունահանել: