Արդարադատության նախարարը «իր թիմի» հետ է ուզում աշխատել

Արդարադատության փոխնախարար Նիկոլայ Առուստամյանի պաշտոնանկության պատճառների մասին որեւէ տեղեկություն ստանալու համար զանգահարեցինք հենց իրեն:

Սակայն նախկին փոխնախարարը հրաժարվեց որեւէ մեկնաբանություն տալ եւ չխոսեց պատճառների մասին` ասելով, թե  տեղեկություն ստանանք նախարարության լրատվական ծառայությունից:

Սակայն արդարադատության նախարարի մամուլի քարտուղար Կարինե Քալանթարյանը «Երկիր»-ի հետ զրույցում ասաց, թե ինքը կարող է միայն ասել, որ վարչապետի հրամանով Նիկոլայ Առուստամյանը աշխատանքից ազատվել է, իսկ պատճառների մասին որեւէ բան ասել չի կարող:

Սակայն մյուս փոխնախարար Գեւորգ Մալխասյանը, ում պաշտոնանակության լուրը նույնպես շուտով կհաստատվի, մեզ հետ զրույցում ասաց, թե հավանաբար Նիկոլայ Առուստամյանը աշխատանքից ազատվել է հենց այն նույն պատճառով, ինչ ինքը:

Իսկ Գեւորգ Մալխասյանը պաշտոնանկ է արվելու, քանի որ նոր նշանակված նախարար Հրայր Թովմասյանը ցանկանում է աշխատել «իր թիմի հետ»` նոր մեթոդներով, նոր կադրերի հետ: