Փոխարժեքներ
01 10 2024
|
||
---|---|---|
USD | ⚊ | $ 387.11 |
EUR | ⚊ | € 429.3 |
RUB | ⚊ | ₽ 4.14 |
GBP | ⚊ | £ 515.86 |
GEL | ⚊ | ₾ 141.93 |
«Թուրքիայի քարոզչությունը Ցեղասպանության ժխտման ուղղությամբ շարունակվելու է եւ խոչընդոտ է լինելու ճշմարտության ճանաչմանը»,- այսօր ասուլիսի ժամանակ ասաց թուրքագետ Ռուբեն Մելքոնյանը:
Նա նշեց, որ տասնամյակներ շարունակ հենց այդ մերժողականությունն է եղել պետական քարոզչության հիմքը եւ բավականին դժվար է պատկերացնելը, թե մոտ ապագայում թուրք հասարակությունը կկարողանա ճանաչել եւ ընդունել Ցեղասպանության փաստը:
Թեեւ Ռ. Մելքոնյանն ասաց, որ ներկայումս որոշակի փոփոխություններ էլ են կատարվում Թուրքիայում, կոտրվում են որոշ տաբուներ, պետական քարոզչությունը պակաս ազդեցիկ է դառնում հասարակության որոշ խմբերի, օրինակ, ընդդիմադիր քրդերի համար:
Բողոքի ալիքներ են բարձրանում դպրոցներում աշակերտների երդման դեմ եւ պահանջում են թույլ տալ ոչ թուրք աշակերտներին չերդվել «Թուրք եմ, ճիշտ եմ, աշխատասեր եմ» խոսքերով:
Սակայն, այնուամենայնիվ, թուրքագետն ասաց, որ սրանք փոքրաթիվ եւ աննշան փոփոխություններ են եւ ուռճացված են այն խոսքերը, թե թուրքը փոխվել է, արդեն ներողություն է խնդրում եւ այլն: