Էրեբունիում ՕԵԿ-ը ձայն հավաքելո՞ւ է

Երևանի Էրեբունու շրջանում հարյուրավոր մարդիկ համալրում են «Օրինաց երկիր»-ի  շարքերը։ Կազմակերպիչը տրանսպորտի և կապի նախկին նախարար Էդուարդ Մադաթյանն է։

Հիշեցնենք` Էդուարդ Մադաթյանը որոշ ժամանակ հետախուզման մեջ էր. մեղադրվում էր Ս.Սարգսյանի և Ռ.Քոչարյանի դեմ մահափորձեր կազմակերպելու մեջ։

Այսօր Մադաթյանը նաև Էրեբունու նախկին թաղապետ Մհեր Սեդրակյանի աջակցությամբ է ՕԵԿ-ի օգտին աշխատանք տանում։ Վերջիններս մտերիմներ են ու խնամիներ։

Ասում են` ՕԵԿ-ական դառնալուց հետո Մադաթյանին առաջարկել են գյուղնախարարի պաշտոնը, բայց նա հրաժարվել է։ Նա խնդիր է դրել նորից ստանալ տրանսպորտի նախարարի պաշտոնը։ Եվ այդ դժվար լուծելի հարցը խնամիներն առաջադրել են Արթուր Բաղդասարյանին։ Կամ կլուծե՞ս, կամ` 2012-ին, անկախ այսօր քանի՞սն են ՕԵԿ-ական, Էրեբունիում ոչ մի ձայն էլ չես հավաքի։